"ตุงไจ ตุงล้านนา"
ความผูกพันกับวิถีชีวิตของคนพื้นเมืองภาคเหนือ

อันตุงไจนี้ เปิ้นมีกฏฐา ไว้ใจ๊ปู๋จา พระสัมมาเจ้า
นับตั้งแต่แป๋ง ต้องแยงแบบเบ้า บ่ใจ้จักเอา ใจ๋กึ๊ด

ความสั้นความยาว ลายขาวต้องยึด ต๋ามฮีตฮอยหั้น โบราณ
เมื่อเป๋นผืนแล้ว บ่แคล้วต้องสาน ใจ๊หื้อถูกงาน ต๋ำนานแบบเบ้า
หากเป๋นงานไหน เนื่องในพระเจ้า เปิ้นก็จักเอา มาใจ๊

ผะดับผะดา วัดวาเนอไซร้ บ่ใจ้นับได้ นับดา
บ่าเดี่ยวนี้ใจ๊ ปักไว้ลายต๋า ผะดับผะดา เคหาเฮือนห้อง
บ่ฮู้ก็หัน มันงามต๋าจ้อง แล่งมองแล่งงาม ต๋ามกึ๊ด

แขกไปใผมา งามต๋าเล่าทึด แต่ขึดตกข้อน คนเฮือน
แฮกก็สง้า หล้าฮ้างเป๋นเผือน หลายปี๋วันเดือน เลือนลับดับจ้อย...